كتاب مالوش اسم QUOTES

2 " من غير ألم مش حتتعلم ..ومن غير ازمات قوية تقطم الوسط وتكسر الضهر حنبقى ضعاف "

― أحمد العسيلي , كتاب مالوش اسم

4 " غريبة جدا كلمة الإستسلام دي ، من اكثر الكلمات اللي ليها معاني مختلفة في الدنيا .. الإستسلام في الحرب خيانة ، الإستسلام للحق فضيلة .. الإستسلام للشيطان رذيله .. الإستسلام لله هو كل الموضوع! "

― أحمد العسيلي , كتاب مالوش اسم

6 " مش لازم تطلع الأول، ومش لازم تبقى أشطر واحد
، ومش لازم تبقى شاطر أصلا،ومش لازم حتى تنجح أساساً.
لازم لازم تبقى نفسك، لازم لازم تبقى كويس، لازم لازم تبقى شريف، بس مش لازم تبقى بطل! "

― أحمد العسيلي , كتاب مالوش اسم

8 " جميلة الحياة بانها ما بتفضلش أبدا على حالها, جميلة بتغير الفصول والطلوع والنزول, جميلة الحياة بتغيرها. جميلة بكل ما فيها من حيرة وتساؤل و فضول, جميلة الحياة بالذكريات و بكل ما فيها من جنون. "

― أحمد العسيلي , كتاب مالوش اسم

10 " ايه البجاحة دى؟؟ مش قصدى بجاحة بمعنى وحش طبعا
بس قصدى البجاحة انك تعمل حاجة أغلب الناس شايفينها مستحيلة , بل أصلا أغلب الناس ويمكن كلهم مش شايفينها أصلا "

― أحمد العسيلي , كتاب مالوش اسم

12 " صعبة جدًّا عليّا في فهمها الحياة ، غريبة ومعقدة وملفلفة ومش واضحة خالص .. عندها قدرة عجيبة انها تفاجأك .. وكل ما تفتكر انّك خلاص مس حتستغرب تاني ، تفاجأك تاني "

― أحمد العسيلي , كتاب مالوش اسم

14 " - القناعة كنز لا يفنى مش للي مامعاهوش بس ، القناعة الحقيقية في رأيي للي معاه بس مش عايز! "

― أحمد العسيلي , كتاب مالوش اسم

16 " الصدف ما بتتحكمش في حياتك لإنك مش صدفة، إنت نفسك قدر. "

― أحمد العسيلي , كتاب مالوش اسم

18 " الدليل على ان روحك بتكبر فعلا هو ان مفاهيمك تتغير, مش مبادءك ,مفاهيمك, الشخص اللي روحه بتكبر ده بيتعلم, ومادام بيتعلم لازم ما يفضلش يشوف الحاجات من نفس وجهة النظر "

― أحمد العسيلي , كتاب مالوش اسم

20 " ماينفعش التدين يبقى ستارة بنخبيّ وراها وحاشتنا وكذبنا وسلبيتنا وأنانيتنا وعدم اهتمامنا ولا بالشغل ولا بالناس ولا بالوطن و بالشارع حتى ، بس شاطرين في الهتافات و الشعارات والسلام عليكم ورحمة الله وبركاته ! "

― أحمد العسيلي , كتاب مالوش اسم