Home > Work > الموت علي الأسفلت

الموت علي الأسفلت QUOTES

الموت علي الأسفلت QUOTES

1 " ملعون أبوها الحمامة أُم غصن زتون
.معمولة لأجل الضحايا يصدقوا الجلاد "

― عبد الرحمن الأبنودي , الموت علي الأسفلت

2 " الفجر عُمره مــاقـــــال للّيــــل : عن إذنــــك .

يطلـــع .. يغمّـض عينيــك .. يصرُخ يصمّ اذنك
.
يهجم .. يعرّيـــك ... يخليـــــك تـحـترِم وزنــــك

مش كنت بتغنى للفجر السجين يطــلـــــــــــع ؟

أهو انــدلــعْ .. لـيـه مقــابــل فرحتُــه بحــزنــك ؟ "

― عبد الرحمن الأبنودي , الموت علي الأسفلت

3 " وانا الدرويش بأنزف دم
وسع لي الطريق يا عم
وماشي بجرحي مش مهتم "

― عبد الرحمن الأبنودي , الموت علي الأسفلت

4 " القصيدة توصف الدم الذكي
ما تشيلش نقطة
توصف ألام اللي ماتت بنتها قدام عينيها
بس وصف
وصف جيد…….وصف خايب
وصف صادق….وصف كاذب
في النهاية……….كلة وصف
كل شعر الوصف
مايساويش في سوق الحق صرخة
الكلام عن كل دة
شئ من التطاول
إنما…..لازم نحاول "

― عبد الرحمن الأبنودي , الموت علي الأسفلت

5 " الكلام ما يشيلش جثة
الكلام...ما فيهش دم
الكلام ما فيهوش هجوم و لا تراجع
الكلام مالوش لجان
الكلام ماهوش محاصر بالمدافع
لا دكاكينه بتقفل
و لا تتسمم غيطانه
و لا قاطعين عنه نوره أو مياهه
و لا ممنوع م العمل
و لا مشلول بالحصار الإقتصادي
و لا بالغاز المسيّل للدموع
و لا بيعاني عطش و يعاني جوع
زي أصغر طفل ف الوطن المقاتل
نسكتوا و الا نحاول؟
لأ نحاول "

― عبد الرحمن الأبنودي , الموت علي الأسفلت

6 " عاشوا اللي ماتوا... ولا ماتوا الا من عاشوا "

― عبد الرحمن الأبنودي , الموت علي الأسفلت

7 " الكلام مش مستجيب
والصمت عار
والمسافة بعيدة بين الفعل و القول البليد
لكن نحااول
لا قصيدة هاتجرى ع الاسفلت
ولاترمى حجر
ولافوق اكتافها راح تحمل شهيد
ولا هاتبعد خطر
ولا هاتقرب بعيد
الكلام اخر المطاف هو الكلام
و الدم .. دم
القصيدة توصف الدم الزكى ماتشيلش نقطة
توصف الام اللى ماتت بنتها قدام عنيها
بس وصف!
وصف جيد .. وصف خايب ..
وصف صادق .. وصف كاذب
فى النهاية كله وصف !
كل شعر الوصف
مايساويش فى سوق الحق صرخة
الكلام عن كل ده شئ م التطاول
انما .. لازم نحاول "

― عبد الرحمن الأبنودي , الموت علي الأسفلت

8 " صهيوني .. بزحف وراك .. يسبقني ليك غضبي
وحاقتلك : إحترام .. لوضعنا الأدبي
ارفع قناعي .. تلاقي وجهك العربي
وأهلك الصامتين .. في صمتهم نايمين
عجبك على صمتهم .. لا يقل عن عجبي


أخدوا على وجودي بينهم .. واستتب الأمر
خمّارهم اللي عشانه .. حبّوا شُرب الخمر
ولمّا سكروا .. انتشى زيد من شتيمة عمرو
لقيت خريطة وطنكم في العرا بترعش
وغرست انا ع الخريطة بإيدي .. شاهد قبر "

― عبد الرحمن الأبنودي , الموت علي الأسفلت

9 " الفجر صعب المراس يا قبضة الخيال "

― عبد الرحمن الأبنودي , الموت علي الأسفلت

10 " إتقدّم العلم والإعلام .. بيغطّي
وحكومتي باعته رسايل خزيها بخطّي
مجبور أوطّي معاها .. لمّا .. بتوطّي
الفرق بيننا لاليك جورنان ولا حكومة
ولا مين يقولك اقف .. ولا مين يقول: خطّي "

― عبد الرحمن الأبنودي , الموت علي الأسفلت

11 " زي ما كون نفسي خرابة ضلمة مسدودة "

― عبد الرحمن الأبنودي , الموت علي الأسفلت