طقاطيق QUOTES

1 " أرسم سلالم حلم
و أنقش بكف أيديك
وبص لرب السما
مهما عصيت يهديك
وان كان ع الخطاوي مد
وان كان لحدك حد
اشقي و بص لفوق
لذة شقاك من النور
وهجها وهج الجمر
لذة اللي شارب خمر
بس حلمك حلال
وان كان ما بينكو جبال
تنهد بالحيلة
بنقطة عرق من شقا
تشبه حياة جميلة
وجديلة من طفلة
مبتسمة ترويك
تنقش تلال حلمك
وتبكي من الخشية
وتخاف من الضلال
وان الحرام ساقك
مكنش يبقي الحلم
مزروع ف كتافك
أرسم سلالم حلمك
فوق سبع سماوات
وحده ربنا شافك

محمد عطية
طقطوقة ف السر
19-9-2012 "

― Mohamed Ateaa , طقاطيق

3 " طقطوقة ف مقام السخرية

ع اللي شاف لسان مقطوع
وهج منه العرق
ليه انكوت عينك
من خضة قولة حرف
ايه اللي كان سخرك
تضحك و تتبسم
وايه اللي كان سحرك
تشقي و تتعذب
شوفت ان الضحك كتير بيبكي
وايه اللي جرا ف الوعد و المكتوب
كأنه شيء انقضى
وسار ع السبيل معجون
لا باين له ضحكة هنا
ولا سن كان مسنون
كل اللي بان ضحكة
من وش كان مركون

https://www.facebook.com/Taatyq "

― Mohamed Ateaa , طقاطيق

5 " طقطوقة ف الحكاية

بكلمة و فكرة و حرف
و مشهدين ف اللقا
وفعل جامد ممنوع من الصرف
تبدأ حكاية بكان يا ما كان
وبكتاب كل سطوره بتحكي
عن حاجات قالوه انها
ف الاساس تخاريف
سابوا الحرامي و اللص و الشريف
كل همهم ان الحكاية يبان فيها واحد عفيف
يأصلوه ف الحكاية بكلمتين
يصلبوه و يشنعوا عليه
و ف الاخير يجيبو له الحق
قفل من غير مفتاح
ودولاب من غير ضرفتين
ويقولوا ان حكايته ف الاصل
كانت حكايتين "

― Mohamed Ateaa , طقاطيق

7 " طقطوقة ف البرد

لو الدفا كان بينرسم
كنت رسمت
لو الود كان ما بين اتنين
كنت انقسمت
البرد ف الليالي البرد
زي التيه
زي الصحرا من غير القمر
زي الحنان
لما ننسي انه مالوش مكان
متستناش انك تحب وتتحب
افرد قلوعك للزمان
شد مركبك الورق و انطلق
لا الدنيا بتستني حد
ولا الدنيا بتفضل
طول عمرها برد "

― Mohamed Ateaa , طقاطيق

9 " بنفس الوضوح
اللي باين جوا العينين
هد الصروح
اللي مقيدة الايدين
اللي كانت ف يوم هنا
أكتب كتاب
مفيهوش حروف
شوف قلب حياتك أيه
متتكسفش من الحياة
لأن الموت مفيهوش كسوف
أحسب زي منك
أحسب ان حياتك
نفسها ظرف من الظروف
جوا منك طاقة جوا منك نور
انت ب100 من اللي شافوا الحلم
مصدقهوش
وبمن اللي كذبوه ألوف
ساعة حصارك جت
فتح عينيك و شوف
و أن أوان الوقوف
ومهما كان حالك
وشرك اللي جواك
أفرد ف وشه الكفوف
بلاش تخاف ولا تحزن
و أعمل من الخير معروف

طقطوقة ف المعروف "

― Mohamed Ateaa , طقاطيق