" يا بوى .. ع الليل وآخرة لما ان تصحى جروحى حِمل .. وما جادرش أتَاخرُه عنى .. وع تِوجّ روحى زحام اوهام مالينى بادعى: اللهم لينى يا همومى.. وهمَّلينى وبدال ما تاجى.. روحى. *** ليلاتى.. فى الميعاد ده ينعاد عمرى اللي عدى وألقى الماضي اللي عَادْ ده ع الحاضر يستعدَّى والحزن ف جلبي ناخرُه والريح ناح فوج سطوحي ويا بوي ع الليل وآخرة لما ان تصحى جروحي *** بدعي لله تعالى يطفي شوجى وحنيني يا فجر يا جاى تعالى زيح حِمل تجيل حانيني لا يضيع كنزى اللى داخرُه ونوحي يا روحي .. نوحي ويا بوى ع الليل وآخرة لما ان تصحى جروحي "