QUOTE : عشان تنسى ذكريات لازم تصنع ذكريات أجمل منها .....<br />مش معنى إنك عشان تنسى حد بتحبه تروح تحب حد تاني لأن ساعتها هتتورط مرتين وهتكره نفسك , إنت ممكن تصنع ذكريات أجمل مع ناس بتحبك بجد .<br />بدل ماكنت بتسهر تكلمه كلم اقرب صحابك قضي وقت معاه واضحكوا وهزروا افتكروا ايام حلوة وحاولوا تجددوها تاني .<br />بدل ما كنت بتقابلوا اخرج اليوم ده مع اهلك حس بوجودهم وحسسهم بحبك ليهم .<br />كل حاجة حلوة عملتها معاه استفادت منها متبطلهاش بالعكس افتكر دايماً انك انت المستفيد منها وبدل ماتبطلها اعملها بس عشان نفسك انت مش عشان ترضيه .<br />كل يوم بيفكرك بي بمناسبة معينه اعمل في حاجة جديدة وتبأه ذكرى جديدة حلوة تفتكرها اليوم ده .<br />لما يوحشك أوي صلي وإدعي ربنا يريح قلبك وبالك , ولما ربنا يستجيب هتبأه عملت ذكرى حلوة بعبادة هتفتكرها كل ماتضيق بيك الدنيا .<br />بلاش تعيش على أمل حد إنه هيبأه معاك وهو كل تصرفاته بتقولك أنا بسيبك , خصوصاً لو عبرت عن حبك بكل الطرق , ومتندمش على كده بالعكس افرح انك بتعرف تحب بجد .<br />الحياة هتبأه حلوة لو إدينا نفسنا جزء صغير من القلب اللي حبيناه بي , وعملنا ذكريات أحلى عشان نفسنا .<br />زي ما حب الذات زيادة إسمه أنانية , برده البُعد عن حبها أوي إسمة جحود .