" نشاطركم الأحزان., ـ للفقيد الرحمة ولكم طول البقاء., ـ دموعنا لن تجف حتي نلتقي., ـ إلى جنة الخلد مع الأبرار القديسين., ـ خسارتنا بك لا تعوض., ـ ذكراك العطرة تملأ قلوبنا, ـ نرثيك وبدموع الحسرة نبكيك., ـ خالص العزاء ولكم الصبر والسلوان.
ـ كل واحد عاوز يحس بأنه زعلان وانه أدي الواجب.. إنت عاوز تنكد عليهم ليه يا أخي.. إنت عاوز تموت علي كيفك.. المأتم ده معناه كل واحد جاي يموتك علي كيفه.. فاهم.
ـ لا مش فاهم.
ـ أما تموت بإذن الله حاتفهم.
ـ حاكتب وصية إن ما حدش يكتب حرف أو يقدم نقطة قهوة علي روحي.
ـ شعاع الشمس تجسد فيك.. أنت نور حياتي الذي لا يغيب.. أنت في سواد العين... أنت في شغاف القلب يا حبيبي.. اسمك تسبيحتي.. خيالك غرفتي.. ابتسامتك وسادتي التي أغفو عليها... أنفاسك عطري المحبب.. كلماتك مصحفي المقدس الذي لا يفارقني.. ذكراك تاريخي, أيامك حياتي كلها... لن أنساك أبدا..
حبيبتك الحافظة لعهدك حتي الموت.
ـ تفتكر كانت بتحبه.
ـ كلامك حلو.. مؤكد كانت بتحبه ساعة ما كتبت الكلام ده لكن بعد كده ما اعرفش.. كل شيء جايز يتغير في دنيا القلوب بيسموها قلوب لأنها تتقلب.
ـ ألا يوجد شيء باق ؟
ـ الله باق "
― مصطفى محمود , الروح والجسد
