QUOTE : يا سيباني ومش عارف أعيش بعدك حصلك إيه ؟<br />منين جبتي القساوة وليه ..<br />وليه بعدتي ؟<br />ده أنا يا ستي بقالي شهر والله<br />بحاول أكلمك لكن ..<br />ما بين خايف لا ماترديش<br />وخايف برضو لـ تردي !<br />ما بزيادة انتي ماتعبتيش ؟<br />مابتحسيش وجع قلبي ..<br />مابتحنيش ساعات ليا ؟<br />كلامنا وكل حكاوينا<br />وحتي هزارنا ماوحشكيش ؟<br />مفيش ولا مره حسيتي ان أنا واحشك<br />وقولتي تسألي عليا ؟<br />مابتشوفينيش في فنجان قهوتك صدفه !<br />ولا حتي في صوت ورده فـ ليالينا ؟<br />ماصدقتيش زمان لما غلبني الخوف <br />وقولت في يوم هانتفارق .. <br />أدي الأيام بتتسابق وبتحاول تنسينا . <br /><br />زمان أنا قولتلك ياما وماسمعتيش <br />كتبت قصايد الدنيا ومابتقريش ! <br />أنا حابب أقول بس إني مستغرب .. <br />كما العاده . <br />لا فاهمين ليه بنبعد بعض <br />ولا فاهمين ليه بنقرب ! <br />أنا حابب أقول بس إني مانستكيش <br />فـ لو مبسوطه من غيري , <br />ما بزياده انتي ماشبعتيش ؟ <br /><br />يا واخده من الزمن وقته <br />وواخده من السعاده السر <br />وحشتيني .. <br />وحشني العمر بمشاكله <br />وحشني كلامنا مـ المغرب لحد الفجر <br />وحشتيني .. <br />يا سيباني وأنا عادي ,<br />ممشي الدنيا من بعدك ومن غيرك <br />وهافضل برضو مش راضي .<br />وهفضل بشرب القهوة في نص الليل <br />وأشوف صورتك وأنا قاصد ومش صدفه <br />وبفتكرك كـ حلم جميل <br />وأوهم نفسي إن زمان غلبني الخوف <br />وقولت في يوم هانتفارق ! <br />ودي حاجه ماحصلتليش .. <br />لأن زمان لما غلبني الخوف .. <br />ماقولتش حاجه غير : خايف فـ ماتسيبنيش .<br />وسيبتيني .