Home > Author > Mang Chet
1 " សារជាតិរបស់មនុស្សគឺលំបាកកែបំផុត។ សម្រាប់គួរអនាគត, បើអ្នករកឃើញថាសារជាតិរបស់គេ មិនត្រូវជាមួយអ្នក, ចូលអ្នកចាកចេញពីគេចុះ ទោះបីជាពេលនេះអ្នកស្រឡាញ់គេ ខ្លាំងប៉ុណ្ណាក៏ដោយ។ ព្រោះបើអ្នកនៅជាមួយគេ អ្នកនឹងរងទុក្ខ វេទនាជាអនេក។ ប្រៀបដូចជាទឹកនិងប្រេង ទោះបីជាអ្នកបន្ទន់ឥរិយាបទយ៉ាងណាក៏ដោយ ក៏មិនអាចនៅជាមួយគ្នា។ ទីោះបីជាអ្នកខំយកទឹកទៅលាយជាមួយសារជាតិផ្សេងៗ ដើម្បីបន្ស៊ីជាមួយប្រេង ក៏ធាតុទាំងពីរនេះមិនអាចចូលគ្នាបានដែរ។ "
― Mang Chet
2 " ចំណុចបួនយ៉ាងដែលព្រះពុទ្ធទ្រង់មិនឲ្យមនុស្សសាមញ្ញនិយាយ ទី១ អំពីកម្ម ធ្វើចេះនាំឲ្យបានអញ្ចុះ ធ្វើអញ្ចុះនាំឲ្យបានអញ្ចេះ។ ទី២ ពុទ្ធវិស័យ អំពីនិយាមរបស់ព្រះពុទ្ធ។ ទី៣ អំពីឈាន លក្ខណៈរបស់ឈាន ។ និងទី៤ កំណើតរបស់មនុស្ស ។ ប៉ុន្ដែមនុស្សធម្មតាចូលចិត្តនិយាយណាស់ ទាក់ទងនឹងរឿងកម្ម ជាពិសេស គ្រូូធម្មាចារ្យទេសនាតាមវិទ្យ ចូលចិត្តណាស់ និយាយ ធ្វើបុណ្យនេះ នាំឲ្បបាននោះ ធ្វើបុណ្យនោះនាំឲ្បបាននេះ ខ្លួនឯងខ្វាក់សោះហ្នឹង។ រឿងដែលថាកម្មរបស់សត្វពីជាតិមុន សាងយ៉ាងម៉េច នាំឲ្បបានក្នុងជាតិនេះយ៉ាងដូចម្ដេច មានតែព្រះពុទ្ធទេ ដែលអាចដឹង ព្រោះព្រះពុទ្ធមាន សព្វញ្ញុុតញ្ញាណ ។ ចំណែកគ្រូូធ្មប់ឯង អត់មានញ្ញាណនោះទេ អញ្ចឹងកុំប្រឹងធ្វើដូចខ្លួនឯងមានញ្ញាណនោះ ជាអ្នកដឹងជោគវាសនា អតីតកាលរបស់សត្វអី ព្រោះខ្លួនឯងខ្វាក់ទេ ។ "
3 " នៅពេលដែលអ្នកស្លាប់ទៅ មិនមែនគេឲ្យតម្លៃអ្នកថាជាមនុស្សមានតម្លៃ ព្រោះអ្នកមានលុយច្រើន ឬមានសញ្ញាប័ត្រធំនោះទេ តែព្រោះតែជាសមិទ្ធិផល្អសម្រាប់មនុស្សជាជាតិ។ "
4 " ការអនុវត្តដោយគ្មានទ្រឹស្ដីប្រៀបដូចមនុស្សពិការភ្នែក មានទ្រឹស្ដីតែគ្មានការអនុវត្តប្រៀបដូចមនុស្សពិការអវៈយវៈអញ្ចឹងឯង។ "
5 " ជីវិតចំពោះខ្ញុំ ខ្ញុំគិតថា បើគ្មានការងារដែលមានតម្លៃធ្វើ វាហាក់ដូចជាគ្មានតម្លៃគ្មានខ្លឹមសារ។ ហើយប្រសិនបើពេលនេះខ្ញុំស្លាប់ទៅ ខ្ញុំពិតជាមានការសោកស្ដាយខ្លាំងណាស់ ចំពោះរឿងពីរ ទី១គឺមិនបានបំពេញការងារ ប្រកបដោយមនោសញ្ចេតនារបស់ខ្ញុំចំពោះជនទន់ខ្សោយទាំងឡាយ។ ទី២ មិនទាន់បានសងគុណលោក់ឪពុកអ្នកម្ដាយរបស់ខ្ញុំ ដែលយកចិត្តទុកដាក់ថែរក្សា ព្រួយបារម្ភសុខទុក្ខរបស់ខ្ញុំ។ ហើយក៏ស្ដាយទឹកចិត្តពូកគាត់ដែលខំប្រឹង ធ្វើការទាំងយប់ថ្ងៃព្រោះតែយើង តែយើងបែរជាមិនបានធ្វើប្រយោជន៍អ្វីសោះ។ចំពោះរឿងនេះបើខ្ញុំមិនបានធ្វើរឿងមានប្រយោជន៍សម្រាប់មនុស្សជាតិទេ ខ្ញុំពិតជាមានវិប្បដិសារី ទោះបីខ្ញុំចូលទៅក្នុងក្ដាមឈូសហើយក៏ដោយ។ ដោយសារកត្តាទាំងនេះហើយ បានជំរុញឲ្យខ្ញុំធ្វើការជួយអ្នកដទៃដោយគ្មានការនឿយណាយ នឿយហត់អ្វីឡើយ ហើយក៏ជាការពេញចិត្តរបស់ខ្ញុំដែរ។ "
6 " មនុស្សទាំងអស់តែងតែចង់បានសេរីភាព ប៉ុន្ដែពួកគេមិនចង់ពាក់ព័ន្ធនឹងនយោបាយ ដូច្នេះទុកឲ្យពួកជនពាលជាអ្នកផ្ដល់សេរីភាពឲ្យពួកគេចុះ។ "