" Yin day, when Christopher Robin and Winnie-the-Pooh and Wee Grumphie were aw haein a crack thegither, Christopher Robin feenished whit he had in his mooth and said lichtsomely: 'I saw a Huffalamp the-day, Wee Grumphie.'
'Whit wis it daein?' spiered Wee Grumphie.
'Jist lampin alang', said Christopher Robin. 'I dinna think it saw me.'
'I saw yin wance', said Wee Grumphie. 'At least, I think it wis a Huffalamp. But mibbe it wisna.'
'Sae did I', said Pooh, wunnerin whit like a Huffalamp wis.
'Ye dinna see them that aften', said Christopher Robin in an affhaund wey.
'No noo', said Wee Grumphie.
'No at this time o the year', said Pooh. "

― A.A. Milne