" نارة: أنا مش بانتحر في لحظة يأس، وبموتي ما باضيعشي حاجة، أنا ما قررتش أموت إلا لما انتهى كل شيء وضاعت الفرصة الأخيرة وفشلت معاك، وأنا ما اقدرشي أعيش أتسول أمل.

آدم: تتسولي أمل؟ أنا حتجنن. تتسولي ازاي؟ الأمل موجود طول ما انتِ عايشة، ولازم تعيشي عشان ما يموتشي. المهم تعيشي، حياتك هي الأمل، مجرد حياتك أمل.

نارة: (بضعفٍ أكثر) أهو دا السراب اللي بتضحكوا بيه على نفسكم عشان ما تواجهوش الحقيقة، وبالذات لما الحقيقة بتبقى اليأس، لو تيأسوا مرة يأس حقيقي تواجهوه وتبقوا مسئولين عنه، أشْرَف لكم ألف مرة من حياة ذليلة جبانة بتهربوا فيها حتى من مسئولية اليأس. "

― Yusuf Idris , الجنس الثالث