" على فكرة، إنت المسؤول كمان عن خوفي وخوفنا وخوفهم منك ومن المسؤولين أصحابك، واللي تحتيك اللي مسؤوليتهم أقل، خوف كل جيلي من أي حاجة ليها دعوة بيك، خوفنا إننا لو تدينَّا هنبقى أكيد إرهابيين وهنتشد، لو بقينا فنانين أكيد هنكون منحلين، لو عايزين نبقى أغنياء لازم يا نكون منافقين موالين من بتوع موافقة يا إما بقى هيتسربلنا شريط سيكو سيكو اتصور لنا مع المدام، وهيفتكروا لنا قضية منسية وهانخش السجن، لو بقيت غلبان ورضيت بحالي هاتهزق في اللجنة (الكمين) قدام المدام برضه، ولو اعترضت هاتشد برضه وأروح أقابل الإرهابي والغني في السجن.
لو سافرت وخرجت من داري خايف أتهان ويتقل مقداري؛ لأنك مش هتجيبلي حقي، ومسؤولينك اللي هناك مش هيردوا عليّ. "

― عمرو سلامة , رسائل ترد للمرسل