QUOTE : زيارة<br /> ............<br /> بعد إذن السيد مأمور السجن<br /> عندى زيارة من صديقى صاحب المسدس<br /> اللى مارضيتش أبلّغ عنه علشان أقدر أستمتع بالعقوبه لوحدى<br /> انا سجين الزنزانة 103<br /> أنا مش سفاح سعادتك أنا حرامى شقق مفروشه<br /> الشقق اللى اغلب الوقت فاضيه<br /> ومقفوله بالمفتاح على عفاريت قاعده بتسكر<br /> و تنم على اللى عدوا من الشقه<br /> فى سهرا حمرا أو فى قعدة خيانه أو فى تغريبة واحد من كفر الشيخ<br /> بس المرة دى اضطريت اقتل<br /> كان فيه 3 رجاله كوايته و مومس تحت العشرين<br /> مااستفزنيش انها كانت بترقص لهم<br /> بس اتوترت لمّا لقيتها بترقص لهم عريانه<br /> حسيت إن فيه مأساه مكلبشه فى جسمى كله<br /> اضطريت افكها باربع طلقات من المسدس البريتا ال8 مللى بتاع صاحبى<br /> قتلتهم<br /> بس لاول مره فى حياتى ماسرقتش<br /> ولإنى كنت فاكر إنى ريّحتهم سلمت نفسى لقسم قصر النيل.<br /> تانى..<br /> أنا مش سفاح سعادتك<br /> والزيارة دى ممكن تنقذنى من هلاوس الحبس الانفرادى<br /> دا غير إنها ممكن تبقى آخر فرصة أقدر أقابل فيها صاحبى<br /> و أرجّع له المسدس بتاعه.