QUOTE : الصورة قصادك ممدودة...<br /> و مش محدودة...<br /> بالطول و العرض...<br /> و البرواز ضلعه الفوقاني...<br /> ف السما....<br /> و التاني مساوي الأرض...<br /> و بما إنك حيلتك بس عينين...<br /> ف قصادك حل من الإتنين...<br /> يا تقرّب جامد م الصورة...<br /> و تاخدلك كادر تركز فيه...<br /> و تعيش حكاويه...<br /> و ساعتها مفيش..<br /> و لا كادر يعيش...<br /> و يكونله لزوم...<br /> غير كادر الزووم...<br /> أصغر تفصيل ف الصورة يبان...<br /> ريحة الدنيا و طعم الأحداث...<br /> الفرق ف تدريج الألوان...<br /> شكل التجاعيد ف وشوش الناس...<br /> ف تعيش مستمتع بالتفاصيل...<br /> الجهل... جميل...<br /> بيقربلك سقف النشوة...<br /> و الحزن كمان...<br /><br /> أما لو اخترت إنك تبعد...<br /> و تشوف المنظر من برة...<br /> حتغطي عينيك كادرات أكبر...<br /> و حاجات أكتر...<br /> لكن أحجامها بقت أصغر...<br /> م الأول ميت مليون مرة...<br /> تكتشف إنك...<br /> مبقتش في حاجة تأثر فيك...<br /> و لا بتبكيك...<br /> مبقتش بتزعل تقريباً...<br /> و الدنيا بقت أبيض فاقع...<br /> و إن انت بقيت إنسان ساقع...<br /> مبقيتش بتضحك بالساهل...<br /> و لا حاجة ف نظرك تستاهل...<br /> تتمنى ساعتها تعود جاهل...<br /> ف تلاقي الزووم...<br /> كان رايح بس...<br /> و لجل النحس...<br /> مفيش راجع.