QUOTE : 75 ترانفيل <br />انا فاضل لسه معايا<br />كام ( اول مرة ) ف جيبى ؟<br />كام عود كبريت ف العلبة<br />مارضيش يولع ع الفاضى ؟<br />كام عود مالوش ولا سابقة<br />ف الحرق الا المرة دى ؟<br />اول مرة ادخل سيما مع بنت كانت ف اعدادى<br />كان كدة للموضوع قيمة<br />و بعديها خلاص بقى عادى<br />انا اسف جدا جدا<br />ع اول مرة اتحرقت<br />ع الفاضى و مش وياكى<br />و ابوسك اول بوسة<br />تتباس اصلا ف حياتى<br />و اتأسف بعدك تانى<br />ع اول مرة معاكى<br />و اتأسف تانى و تالت<br />ع كل كلام اتقال<br />و احرق ف حاجات اتقالت<br />كانت لازم تتشال<br />لبتوع الدور الجاى<br />و الجاى ابقى من الفايت<br />و ميت بيسلم ع حى<br />و الميت و ان كان تافه<br />ف بيفضل مالهوش زى<br />ف انا هفضل فاكر مى<br />و اول ايد بنت امسكها<br />و اول شيكولاتة هدية<br />و اول توصيل للبيت<br />و لحد ما فجأة لقيت<br />مش باقى معايا ف جيبى<br />غير كام ( اول ) يتعاش<br />لا اعرف ان كنت هشيلهم<br />ولا هابيعهم ببلاش<br />متشكر جدا جدا<br />ع وقتك تانى يا دكتور<br />- العفو يا سيدى اتفضل<br />و اديتنى روشتتى تانى<br />مشطوب منها اربع تسطر<br />- مش حاسس انك احسن <br />- من اخر مرة تجيلى ؟<br />مش حاسس اصلا حاجة<br />و ع ايدك اديلى<br />ساعتين عمال اتكلم<br />و مش فاكر نص كلامنا<br />- السبت الجاى معادنا ؟<br />لا دنتا الحد .. نسيت<br />- خد بالك بقى من نفسك<br />- و فيه دوا هنكرره تانى<br />انا اصلا هبقى كويس <br />و مفيش حاجة مضايقانى<br />و اخدت الباب ف اديا <br />و ما صدقت انى مشيت<br />.......................<br />كان فاضل لسه سيجارة<br />ف العلبة لقيتها معايا<br />بس استخسرت اشربها<br />قبل اما اوصل للبيت