" არ მოგვბეზრდეს გამეორება, ზრუნვა, უპირველეს ყოვლისა ბედკრულთა და ტანჯულთა ბრბოებზე, მათ გამხნევებაზე, მათ სიყვარულზე, მათი ჰორიზონტის გაფართოებაზე, მათ ყველანირად განათლებაზე, მათთვის შრომის და არა უქნარობის მაგალითის მიცემაზე, ინდივიდუალური ტვირთის შემსუბუქებაზე საყოველთაო, საერთო მიზნის ზრდით, სიღარიბის შემცირებაზე სიმდიდრის შეუმცირებლად, საზოგადო და სახალხო საქმიანობის ფართო არეთა შექმნაზე. უნდა გვქონდეს ასი ხელი ყველა მხარეს ჩაგრულებისთვის და სუსტებისთვის გასაწოდებლად. კოლექტიური ძალით უნდა გავხსნათ სახელოსნოები ყველა ხელისთვის, სკოლები ყველა უნარისთვის და ლაბორატორიები ყველა გონებისთვის, გავზარდოთ ხელფასი, შევარბილოთ სასჯელი, გავაწონასწოროთ მოვალეობა და ქონება, ე.ი. პროპორციული გავხადოთ ტკბობა და ძალისხმევა და დაკმყოფილება და საჭიროება, ე.ი სოციალური აპარატიდან მივიღოთ მეტი სინათლე და კეთილდღეობა ტანჯულთა და უმეცართა სასარგებლოდ "