Inspirational Quotes
Home
Author
Work
Topic
Quote of the Day
Youtube
Home
>
Author
>
بيرم التونسي
>
" يااهل المغنى دماغنا وجعنا
دقيقه سكوت لله
داحنا شبعنا كلام ماله معنى
ياليل وياعين ويااّه
ــــــــــــ
طلعت موضه غصون وبلابل
شابط فيها حزين
شاكى وباكى وقال موش عارف
يشكى ويبكى لمين
واللى جابت له الداء والكافيه
طرشه ماهش سامعاه
يااهل المغنى دماغنا وجعنا
دقيقه سكوت لله
ـــــــــــــــــــ
ردى عليه ياطيور بينادى
وارمى له الجناجين
وانت كمان يابور الــــوادى
قل له رايح على فين
قل له اياك يرتاح يابابـــــوره
ويريحنــــــــــا معــــــاه
ياهل المغنى دماغنا وجعنا
دقيقه سكــــــوت لله
ــــــــــــــــ
كل جدع فرحان بشبابه
يقول فى عنيه دمـــوع
ياللى جلبتى شقاه وعذابه
حلّى لنــــا الموضــــوع
طالع نازل يلقى عـــــوازل
واقفــــــــه بتستنــــــاه
ياهل المغنى دماغنا وجعنا
دقيقه سكوت لله
ــــــــــــــ
حافضين عشره اتناشر كلمه
نقل من الجـــــــــورنال
شوق وحنين وأمل وأمانــــــى
وصد وتيـــــــه ودلال
واللى اتعـــاد ينزاد ياخــــــــــوانا
وليل ونهــــــــار هـــوّاه
ياهل المغنى دماغنا وجعنـــــــــــا
دقيقه ســكوت لله "
―
بيرم التونسي
← Prev
Next →
Image for
Quotes
DOWNLOAD THE QUOTE IMAGE
SOME TOPICS
an outpost
a negative effect
an organisation
the ribbons
our notice
an urban legend
the more information
Vik
pestered
Exie