QUOTE : Qərbdəki korrupsiya Yaxın Şərqdəkindən kəskin şəkildə fərqlənir. Məsələn, Qərb ölkələrində bir nəfər ticarətlə məşğul olur və çoxlu pul qazanır. Sonra isə zəngin olan bu şəxs siyasətə atılır və malik olduğu kapital ilə öz mövqeyini gücləndirir, hakimiyyət pillələrində irəliləyir. Şərqdə isə tam tərsinədir: pul qazanmaq üçün birinci siyasətə atılır, hakimiyyətə gəlir və bundan sonra varlanır. Doğrudur, əxlaq nöqteyi nəzərindən bu iki korrupsiya arasında heç bir fərq yoxdur. Amma iqtisadiyyata və siyasətə təsir baxımından onlar bir-birindən kəskin şəkildə fərqlənir.