" -سرحان ف إيه بس؟
-هو فى غيرها؟؟! أصلها جميلة أوى يا أشرف!
-هى مين دى يا باشا؟
قالها أشرف مُداعباً إياه بغمزةٍ من عينه اليُمنى..
-مصر...
أطرق أشرف رأسَهُ ناظراً فى الأرض و هو يقول:
-فعلاً جميلة!! بس واضِح إنه إتكَتَب علينا نشوفها بتضيع مِنِنا و إحنا عاجزين عن مُساعدتها..
-طَب و بعدين؟ هنفضَل كده لحد إمتى يا أشرف؟ إيه مصرينا؟؟ و مصيرها؟
(سَحَب) "أشرف" مِقعداً و جلس بمواجهة "حمدى" فقد إعتادَهُ الأخير على أنهُ صديق مُقرَب، يهوى النِقاش و الحديث مَعَهُ.. أخرَج "أشرَف" عُلبة سجائر (LM) من ذات اللون الأحمَر، و ناول رفيقَهُ سيجارة و قد دَس هو الآخر سيجارة فى فَمِهِ بينما كان يُتَمتِم مُجيباً على سؤال "حمدى":
-حاجة من إتينين يا باشا..!
-إيه هُما؟
-يا ثورة جياع تقضى ع الأخضَر و اليابِس.. يا إما هنموت مَدفونين فى زبالتنا..!! "

― لؤى طارق